Hmoob

Cov tub ntxhais kawm uas hloov chaw tuaj yeem thov tau uas siv qhov Kev Thov Cov Tsev Kawm Ntawv Qib Siab Hauv Wisconsin.

Yuav tau nug koj kom qhia ob hom kev xaiv kawm uas tseem ceeb thib ib thiab hom kawm thib ob thaum sau daim ntawv thov mus kawm. Yog tias xaiv ib hom kawm tseem ceeb rau Tsev Kawm Ntawv Ua Lag Luam los sis Tsev Kawm Qib Siab Rau Fab Tsim Ua Vaj Tse Ub No ua koj thawj hom xaiv kawm tseem ceeb, ces koj yuav tsum xaiv hom kawm tseem ceeb thib ob uas tsis muaj rau ntawm Tsev Kawm Ntawv Ua Lag Luam los sis Tsev Kawm Qib Siab Rau Fab Tsim Ua Vaj Tse Ub No. Yog tias peb tsis tuaj yeem muab koj nkag tuaj kawm rau koj thawj hom xaiv kawm tseem ceeb, ces peb yuav tshab xyuas daim ntawv thov rau hom xaiv kawm thib ob. Vim yog kev sib tw raws li keeb kwm ntawm peb cov kev txais neeg tuaj kawm, kev cia tuaj kawm mas tej zaum yuav sib txawv rau cov tub ntxhais kawm mus raws li hom kawm tseem ceeb rau fab ua lag luam, kev tsim ua vaj tse ub no, kev seev cev, thiab suab paj nruag. Peb xav kom koj saib hauv pebnplooj ntawv qhia nkag ncaj qhayog tias xav paub ntau ntxiv.

Tus nqi kev thov kawm yog $ 70.00 Nyiaj Meskas thiab thim nyiaj tsis tau.

Nyiam qhov them nyiaj raws hauv koo pij tawj dua. Yog tias koj thov uas thov raws qhov Kev Thov Rau Cov Tsev Kawm Ntawv Qib Siab Hauv Wisconsin, ces muaj peev xwm them nyiaj tshev los sis them ua ntawv xa nyiaj los tau, rau ntawm lub tuam txhab nyiaj uas nyob hauv Tebchaws Meskas thiab them rau University of Wisconsin–Madison . Xa daim nyiaj tshev los sis ntawv xa nyiaj mus rau Chaw Ua Hauj Txais Neeg Tuaj Kawm thiab Txais Ntaub Ntawv Txais Neeg. Thov muab tus neeg thov lub npe sau nrog qhov kev them nyiaj. Txhob xa nyiaj ntsuab.

Cov kev zam tus nqi thov mas muaj rau cov neeg thov uas tsis txawm peem fab nyiaj txiag. Cov tub ntxhais kawm uas tsim nyog tuaj yeem thov zam tus nqi uas yog ib feem ntawm lawv daim ntawv thov. Yog tias koj tsis tau thov kev zam nqi thov thaum lub sij hawm thov, tab sis tsim nyog raug zam koj cov nqi, koj tuaj yeem luamDaim Ntawv Thov Zam Tus Nqi Thov thiab xa email rau onwisconsin@admissions.wisc.edu

Raws li ib feem ntawm peb txoj kev txheeb xyuas yam nthuav dav, peb xam mus raws cov zaj txheej lus sau piav qhia (essays) uas koj xa tuaj kom los nkag siab ntau ntxiv txog koj. Yam uas koj xaiv los qhia uas muab lub tswv yim rau peb tias koj yog leej twg thiab yam uas koj xav ua kom tiav raws li yog ib feem ntawm peb lub zej zog. Qhia peb txog koj thiab koj zaj dab neeg tshwj xeeb los pab peb kom paub txog koj dhau ntawm koj li GPA thiab cov qhab nia xeem tau lawm. Koj zaj txheej lus sau piav qhia (essays) kuj tseem tuaj yeem raug siv rau tes hauj lwm pab cuam hauv tsev kawm ntawv thiab txoj kev txheeb xyuas cov nyiaj peev pab kev kawm.

Koj yuav tsum teb cov lus nug nram qab no:

• Txhua tus tub ntxhais kawm ntawv tshwj xeeb. Thov qhia rau peb paub txog cov kev paub hauv lub neej, kev txawj ntse, kev mob siab, thiab / los sis kev ntshaw uas koj yuav coj tuaj rau hauv peb lub tsev kawm ntawv.
• Qhia peb seb vim li cas koj thiaj xav mus kawm hauv Lub Tuam Tsev Kawm Ntawv Qib Siab Wisconsin–Madison. Ib qho ntxiv, thov suav xam nrog qhov tias seb vim li cas koj thiaj xav kawm qhov (cov) fab kev xaiv kawm uas koj tau xaiv tseg ntawd. Yog tias koj xaiv tsis tau txiav txim siab, thov piav qhia koj cheeb tsam kev nyiam ntawm txoj kev kawm.

Yog tias koj tab tom thov hloov chaw kawm los ntawm lwm lub Tsev Kawm Ntawv Qib Siab hauv Wisconsin, ces koj tsuas xa tsab ntawv sau piav qhia thib ob xwb.

Khaws cov lus qhia tswv yim pan no hauv nruab siab thaum koj lis koj txoj kev sau ntawv:

• Tsim koj cov kev xav ua ntej koj pib txheej txheem kev sau ntawv, thiab tsim cov qauv cia tso.
• Cov lus suav siab tshaj plaws rau txhua zaj txheej lus sau piav qhia (essay) yog 650 lo, tab sis peb pom zoo npaj rau 300-500 lo lus.
• Tsis txhob ntaus ncaj qha rau hauv lub vev xaib. Hloov rau qhov ntawd, ces yog muab sau rau ua qauv piv txwv ua ntej tseg rau hauv lub softaware sau ntawv.
• Cia sij hawm los txhim kho thiab rov txheeb xyuas koj txoj kev sau ntawv tso.
• Kuaj xyuas rau txoj kev sau ntawv tsis raug thiab thov kom ib tus neeg twg los txheeb xyuas koj txheej kev sau zaum kawg ntawd tso.
• Ua siab ncaj thiab ncaj ncees rau hauv koj txoj kev sau ntawv.

Peb xav tau cov ntaub ntawv ntsig txog hom kawm thiab cov qhab nia los ntawm koj qhov kev tso npe kawm ib lub tsev kawm ntawv twg thiab txhua lub tsev kawm theem siab thiab tsev kawm qib siab. Qhov no yuav tsum suav tag nrho hom kawm hauv tsev kawm qib siab uas tau kawm tiav los txog rau tam sim no, suav nrog koj zeeg sij hawm kawm tam sim no, thiab (yog tias siv tau) qhov kawm hauv tsev kawm qib siab thaum nyob hauv tsev kawm theem siab.

Koj yuav tsumxa ib daim ntawv teev nce qib kawmlos ntawm txhua lub tsev kawm ntawv uas koj tau tso npe kawm kom haum raws li cov qauv cai ntawm hom kawm thiab tus qhab nia es thiaj li yuav ua tiav txheej txheem thov mus kawm.

Cov ntawv teev qhab nias nce qib kawm uas raug raws cai yuav tsum muab xa tuaj ncaj qha los ntawm txhua lub tsev kawm ntawv uas tau koom nrog.

Yuav Xa Cov Ntaub Ntawv Teev Qhab Nia Nce Qib Kawm Uas Raug Raws Cai Mus Li Cas

Cov neeg thov uas tam sim no los sis yav dhau los tau tso npe kawm rau hauv Cov Tsev Kawm Qib Siab Hauv Wisconsin los sis ib lub tsev kawm ntawv ncau, los sis kawm hauv oos lai rau ntawm UW Colleges lawm, ces yuav tsum xa lawv cov ntawv teev nce qib kawm mus kom mus raws liUniversity of Wisconsin cov lus qhia.

Cov tub ntxhais kawm uas xa ntawv thov tuaj sab nraum Teb Chaws Meskas tuaj ces tuaj yeem nrhiav cov qauv ntaub ntawv teev qhab nia nce qib kawm uas raug raws cai rau ntawm no.

Cov Ntawv Teev Qhab Nia Nce Qib Kawm Tiav Tsev Kawm Ntawv Theem Siab:

Peb xav taudaim ntawv teev qhab nia nce qib kawm tiav tsev kawm ntawv theem siab, kom koj lub tsev kawm ntawv xa tuaj rau peb. Peb tshab xyuas koj cov ntaub ntawv hauv tsev kawm theem siab txhawm rau txheeb xyuas cov ntaub ntawv ua pov thawj kawm tiav, kev kawm tiav raws li cov qauv npaj, thiab kawm ntxiv txog keeb kwm kev kawm ntawm koj tus kheej. Cov qhab nia hauv tsev kawm theem siab yuav yog ib feem tseem ceeb rau kev tshab xyuas pub tuaj kawm rau cov neeg thov uas kawm tiav me ntsis uas tau cov qhab nia hloov mus kawm qib siab tau. Yog tias koj tau txais koj daim ntawv pov thawj kawm tiav Qib Kev Txhim Kho Fab Kev Kawm Thuaj Pais (General Educational Development, GED) los sis Daim Ntawv Pov Thawj Kawm Tiav Hauv Tsev Kawm Uas Sib Npaug Rau Theem Siab (High School Equivalency Diploma, HSED) lawm, ces xa koj daim ntawv tshaj tawm cov qhab nia tuaj ntxiv nrog txhua daim ntawv teev qhab nias nce qib kawm hauv tsev kawm theem siab los sis tsev kawm tom tsev tuaj ua ke. Yog tias koj kawm los sis muab kev qhia ntawv rau koj tim tsev, ces peb xav tau cov ntaub ntawv ntxiv los tshuaj xyuas tag nrho koj daim ntawv thov kom txhij txhua. Kawm kom paub ntxiv txogcov cai thov tshwj xeeb thiab cov qauv cai.

Cov Qauv Cai Qis Tshaj Plaws Ntawm Hom Kawm:

Thaum tshab xyuas cov ntawv thov, peb yuav mob siab tshwj xeeb rau tej kev kawm hauv tsev kawm qib siab uas koj tau kawm tiav ntawd, thiab tshwj xeeb yog:

• Kev coj ruj ntawm hom kawm:Tsim nyog kawm txuas ntxiv rau ntawm UW–Madison thiab yuav kawm nyuaj zuj zus ntxiv.
• Qhov dav ntawm hom kawm: Qhia txog ntau feem ntawm hom kawm Lus As Kiv, hom kawm lej, hom kawm xaij (science), hom kawm keeb kwm ntaub ntawv, hom kawm txog sim neej (social science), thiab hom kawm lus txawv teb chaws.
• Cov yeeb yam thiab seem qhab nia:Cov yeeb yam thiab seem qhab nia uas tau zoo xwm yeem los sis tau zoo dua uas ua rau pom tias kawm tau ntawv zoo xwm yeem rau txhua hom kawm.
• Kev kawm tau ntawv hauv tsev kawm theem siab: Koj qhov kev kawm ntawv tau zoo hauv tsev kawm theem siab yuav tseem ceeb ntau los sis tseem ceeb tsawg rau peb vim yog yuav saib raws qhov koj tau qhab nia ntau npaum li cas hauv tsev kawm qib siab. Feem ntau lawm, yuav tau ua tib zoo tshuaj xyuas cov ntaub ntawv teev tseg txog fab kev kawm hauv tsev kawm ntawv theem siab rau cov tub ntxhais kawm uas kawm theem qib siab rau thawj ob xyoos. Koj yim kawm tiav qib siab ntau npaum li cas, ces peb yim yuav saib xyuas txog cov qauv uas kawm hauv tsev kawm ntawv theem siab tsawg npaum li ntawd xwb, xws li qhov kev kawm nruj, tus qhab nia GPA, seem qhab nia, thiab qib kawm tau hauv chav kawm.
• Hom kawm uas yuav tsum tau kawm:Txawm hais tias yuav kawm qib siab tau pes tsawg yus-niv (units) lawm los xij, koj cov ntaub ntawv teev nce qib kawm hauv hauv tsev kawm theem siab (ntxiv rau qee cov ntawv teev nce qib kawm qib siab) uas yuav tsum ua rau pom tias koj kawm tiav hom kawm xws li nram qab no:
  • Hom kawm lej Algebra: Yuav tsum kawm li ib lub xyoos rau tsev kawm theem siab
  • Hom kawm lej Geometry: Yuav tsum kawm li ib lub xyoos rau tsev kawm theem siab (tsis tuaj yeem hloov kho tau, theem pib, los sis tsis tej uas tsis siv tau raws cai)
  • Hom Kawm Lej Uas Npaj-Mus Kawm Qib Siab: Yuav tsum kawm li ib lub xyoo rau tsev kawm theem siab, los sis 1 hom kawm hauv tsev kawm qib siab rau hom lawm lej Algebra theem 2 los sis tshaj rov saud
  • Ib Hom Lus Txawv Teb Chaws: Yuav tsum kawm tib hom lus hauv tsev kawm theem siab li ob lub xyoos los sis ob zeeg kawm rau tib hom lus hauv tsev kawm qib siab *

*Cov tub ntxhais kawm ntawv uas tsis yog neeg hais lus Askiv xeeb txawm tuaj yeem siv tau hom lus txawv teb chaws nrog rau daim ntawv teev nce qib kawm ntawm lawv qhov kev kawm rau hom lus ntawd. Yog tias koj kawm ntawv ua koj hom lus mus txog qib xya, ces koj yuav tau txais ob yus-niv kawm rau hom lus txawv teb chaws ntawd. Cov uas tau kawm ua lawv hom lus mus txog qib yim, yuav tau txais plaub yus-niv (units) kawm.

Cov tub ntxhais kawm uas tau kawm ib hom lus ntiaj teb uas tsuas siv Rosetta Stone tsis tau ua tiav raws cov kev tseev kom muaj ntawm hom lus ntiaj teb.

Lus Piav Tes Mes Kas (American Sign Language, ASL) tuaj yeem raug lees txais tias ncav cuag cov kev tseev kom muaj ntawm hom lus ntiaj teb rau kev txais neeg nkag kawm yog tias nws raug kawm nyob rau ntawm tus tub ntxhais kawm ntawd lub tsev kawm thiab raug qhia kom saib rau daim ntawv teev qhab nias nce qib kawm raws cai.

Muaj qee zaus, tej zaum yuav kam lees txais cov tub ntxhais kawm uas tsis muaj ob yus-niv kawm rau ib hom lus txawv teb chaws. Cov tub ntxhais kawm ntawv no yuav tsum kawm kom tiav rau ob yus-niv kawm ua ntuv zus rau tib hom lus raws li yog ib tug tub ntxhais kawm ntawm UW–Madison. 

Peb tseev kom koj xa ib tsab ntawv muab kev pom zoo uas sau los ntawm ib tus neeg twg uas tuaj yeem lees paub koj lub peev xwm fab kev kawm, xws li tus xib fwb qhia ntawv, tus kws pab tswv yim hauv tsev kawm, los sis tus kws qhia ntawv hauv feem kev kawm. Cov tub ntxhais kawm uas txaus siab hauv feem kev kawm kev tsim vaj tsev kev thiab choj tau txais kev txhawb kom los txais tsab ntawv muab kev pom zoo los ntawm tus xib fwb qhia ntawv nyob rau fab kev kawm lej los sis xaij. Nco ntsoov los ua kom muaj txoj kev sib tham nrog tus neeg muab kev pom zoo uas uas koj xaiv txhawm rau los saib ua ntej seb lawv puas txaus siab thiab tuaj yeem muab tsab ntawv no.

Peb txhawb cov neeg thov uas twb tau nrug deb ntawm txoj kev qhia hauv chav kawm ib ib txwm lawm uas nyob rau ncua sij hawm ntxiv los thov tsab ntawv muab kev pom zoo los ntawm ib tus neeg twg uas tuaj yeem tham tau txog lawv cov peev xwm fab kev kawm, xws li tus tswv ntiav hauj lwm (tshwj xeeb yog tus thawj saib xyuas los sis tus thawj tswj hwm), tus kws cob qhia hauv tes dej num pab cuam los sis hauv feem chaw hauj lwm, los sis qee lwm tus neeg uas nyob rau txoj kev cob qhia lub peev xwm hauj lwm yam raug raws cai.

• Caw ib tug neeg los xa ib daim ntawv muab lus taw qhia(Kuv muaj kuv daim NetID)
• Caw ib tug neeg los xa ib daim ntawv muab lus taw qhia(tsis muaj NetID)

Cov lus taw qhia uas xa tuaj rau peb lub chaw ua hauj lwm Cov ntawv muab lus taw qhia mas yuav tsum muab xa ncaj qha tuaj ntawm lub tsev kawm ntawv thiab / los sis tus neeg muab lus taw qhia, uas tso rau hauv lub hnab ntawv kaw. Cov lus taw qhia yuav tsum sau txog tus neeg thov lub npe, hnub yug, thiab tus lej ID hauv tsev kawm ntawv (yog paub). Tsis tas li ntawd, cov tsab ntawv muab lus taw qhia tuaj ntawm ib tus neeg ua hauj lwm hauv tsev kawm ntawv los kuj tseem tuaj yeem xa tuaj ntawm Naviance. Thov nco ntsoov tias tsab ntawv muab lus taw qhia yuav tag sij hawm tom qab ib xyoos suav txij li hnub sau tsab ntawv no mus.

Cov neeg thov hloov chaw uas raug qhia ntawv rau cov teb chaws uas tsis yog hais lus Askiv yuav tsumxa cov qhab niaTOEFL, IELTS, los sis tus qhab nia ntawm qhov kev ntsuas Duolingo English Test (DET) tuaj, tshwj tsis yog lus Askiv yog thawj hom lus uas qhia ntawv rau tag nrho plaub lub xyoos rau thaum kawm tsev kawm theem nrab los sis qib siab uas qhia ua lus Askiv rau ntawm  ib lub tsev kawm ntawv hauv Teb Chaws  Meskas. Yuav tsis zam tus qauv no rau qho kev kawm ua lus Askiv uas tau kawm rau ntawm ib lub tsev kawm ntawv Meskas uas nyob txawv teb chaws.

Txhua qhov kev xeem txog kev paub lus Askiv yuav tsum muab xa hauv koo pij tawj tuaj ntawm lub chaw xeem ncaj qha mus.

Thov nco ntsoov tias txoj xa cov qhab nia xeem tuaj ntawm lub chaw xeem mas yuav tau them nqi ntxiv thiab yuav ntxiv sij hawm li 2-4 lub vij los mus khiav cov ntaub ntawv thov kom tiav. Npaj xa koj cov qhab nia xeem mus kom ntxov kom koj cov qhab nia thiaj li tuaj txog ua ntej hnub kawg xa cov ntaub ntawv.

Yuav Xa Cov Qhab Nias Xeem Mus Li Cas

Peb yuav tsis siv tus qhab nia siab tshaj plaws ntawm qhov kev xeem Kev Paub Lus Askiv Zoo thiab cov qhab nia tshaj qhia ntawd yuav tsum tsis ntev dua ob xyoos suav txij lub sij hawm koj thov mus.

Duolingo Qhov Kev Xeem Lus Askiv (English Test, DET)

• Tus qhab nia lees txais uas qis tsawg kawg: 115+.
• Thaum xa koj cov qhab nia: Yuav tsum tshawb nrhiav hom “Undergraduate,” ces xaiv ” University of Wisconsin–Madison .”
• Thov txhob xa mus rau cov chaw ua hauj lwm hauv qab qhov “Lwm yam,” vim peb tsis tuaj yeem rub tau cov qhab nia ntawd rov qab los.
• Yuav tsum xa cov qhab nia DET nrog cov qhab nia xeem.

IELTS

• Tus qhab nia kam lees txais uas qis tsawg kawg: 6.5+.
• Txhawm rau xa cov qhab nia mus raws hauv koo pij tawj mus, cov tub ntxhais kawm yuav tsum tau thov daim ntawv thov “ETRF” los ntawm lawv lub chaw xeem. Thaum thov cov qhab nia raws hauv koo pij tawj, ces thov nco ntsoov tias:
  • IELTS tsis tas siv tus qhauj.
  • Xaiv peb tus as qhauj npe, ” University of Wisconsin , Madison Qib Kawm Qib Siab”
• Thov txhob xa cov ntawv luam ntawm koj cov qhab nia IELTS.
• Peb kam lees txais tus qhab nia IELTS Ntsuas Hauv Oos Lai.

TOEFL iBT:

• Tus qhab nia kam lees txais uas qis tsawg kawg: 80+.
• Thaum xa koj cov qhab nia: TOEFL tus qhauj xeem yog 1846.
• Peb tsis kam lees txais tus qhab nia “MyBest” los ntawm TOEFL los sis ib qho kev xeem Kev Paub Lus Askiv.
• Rau txhua tus qhab nia TOEFL koj xa tuaj, peb xav tau daim ntawv qhia tag nrho cov qhab nia. Wisconsin tsis kam lees txais TOEFL iTP Plus rau Suav Teb tab sis peb kam lees txais qhov kev xeem iBT Special Home Edition.

Yog koj ntseeg tias tus qauv no siv tsis tau rau koj, los sis yog tias koj tsim nyog rau qhov Kev Zam Tsis Pub Xeem Kev Paub Lus Askiv Zoo raws li peb txoj cai, ces thov xyuas koj “Cov Foos Tub Ntxhais Kawm Ntawv” ntawm koj Lub Chaw Tub Ntxhais Kawm Ntawv Nplooj ntawv xub thawj ntawm Daim Ntawv Thov Zam Rau ELP”. Yuav pib txheej txheem thov zam, ces xaiv qhov “Admissions” los ntawm daim ntawv qhia sab laug, tom qab ntawd xaiv qhov “ELP Waiver Request” ces sau daim foos no tiav. Yuav tsis pom Daim Ntawv Thov Zam ELP kom mus txog thaum peb chav ua hauj lwm tau txais koj cov ntawv teev tseg qhab nia nce qib kawm thiab raug muab tshem tawm ntawm koj Daim Ntawv Teev Txog Yam Uas Yuav Tau Ua rau hauv koj Lub Chaw Tub Ntxhais Kawm Ntawv lawm. Yog tias koj sau Daim Ntawv Thov Zam ELP tiav lawm thiab tseem pom tes hauj lwm no, ces thov muab sij hawm rau peb lub chaw ua hauj lwm 14 hnub los ua tshab xyuas koj daim ntawv thov. Yog tias qhov ntawd ntev dua 14 hnub ua hauj lwm, ces thov xa email rau peb lub chaw ua hauj lwm rau ntawm onwisconsin@admissions.wisc.edu.

UW –Madison qhov txheej txheem tshab xyuas daim ntawv thov mas ncaj ncees. Cov tub ntxhais kawm uas lawv tus kheej xav ua tej yam nyuaj tas lis rau fab kev kawm hauv lawv lub tsev kawm ntawv mas yuav xam tias yog cov neeg thov uas xav sib tw thiab tej zaum yuav haum zoo rau tsev kawm ntawv qib siab. Qhov ntawd muaj xws li: qhov txais lub meej mom vim kawm tau zoo, kev tso kawm rau qib siab (AP), thiab qib kawm International Baccalaureate (IB) (tshwj xeeb mas yog hom kawm lej, Lus Askiv, hom kawm xaij, hom kawm txuj ci kev nyob nrog sawv daws, thiab hom kawm lus txawv teb chaws), thaum muaj, thiab tau txais cov qhab nia A / B rau hauv chav kawm ntawd; thiab tseem mob siab rau tej hauj lwm sab nrauv chav kawm (tej hauj lwm tshwj xeeb, tes hauj lwm, kev saib xyuas ntawm tsev neeg, thiab fab kev coj).

Yog ib lub chaw lis hauj lwm ntawm tsoom fwv xeev, peb  xav kom peb cov tub ntxhais kawm ntawv uas tuaj tshiab 3,600 leej rhais los ua cov neeg nyob rau hauv  Wisconsin kom mus raws li Pawg Tswj Xyuas Hauj Lwm hauv tsev kawm ntawv qib siab. Cov rooj zaum uas tseem tshuav rau hauv peb cov chav kawm thawj xyoo mas muaj rau cov tub ntxhais kawm thoob plaws lub teb chaws thiab thoob ntiaj teb.

“Thawj tiam” yog txhais los ntawm University of Wisconsin tsis hais yuav yog tus niam thiab txiv uas kawm tiav qib siab los yog kawm tsis tiav los xij (piv txwv li, kawm plaub xyoos tiav qib siab rau ntawm ib lub tsev kawm ntawv qib siab).

Cov tub ntxhais kawm tsis tas yuav nyob hauv lub chaw tsev kawm ntawv UW–Madison tab sis tshaj li 90 feem pua ntawm peb cov tub ntxhais kawm thawj xyoo yeej nyob hauv. Muaj ntau tshaj 20 qhov chaw nyob hauv lub chawa tsev kawm ntawv thiab ntau hom vaj tsev nyob hauv cheeb tsam ntawd.

Peb muab ntau tshaj 1,000 tus tub ntxhais kawm lub koom haum uas muaj Big 10 Badger uas muaj cov kis las, muaj cov hauj lwm thiab cov kis las sib tw, cov kev ua txuj ci thiab kev seev cev ntau yam (xws li kev hu nkauj, kev ua yeeb yam tso dag ua si, thiab hmo ua yeeb yaj kiab), thiab muaj ntau lub koom txoos rau cov tib neeg tshiab tuaj sib ntsib thiab sim ua yam tshiab!

FAFSA, los sis Daim Ntawv Thov Tsoom Fwv Pob Nyiaj Pab Dawb Rau Tub Ntxhais Kawm masm muaj txhua xyoo. Cov tub ntxhais kawm tuaj yeem thov hauv oos lai rau ntawm fafsa.gov ua ntej los sis tom qab lawv xa daim ntawv thov tuaj kawm. Nco ntsoov tias tsev neeg cov ntaub ntawv nyiaj tau los (piv txwv li, tsoom fwv cov nyiaj tau los ntawm cov nyiaj se) raug siv ua ntej xyoo ua se.

Cov tub ntxhais kawm yuav tsum tshawb nrhiav cov nyiaj pub dawb rau kev kawam rau ntawmWisconsin Scholarship Hub ( WiSH ) los mus nrhiav txhua yam nyiaj pab kawm ntawv uas tej zaum cov neeg thov yuav tsim nyog tau txais. Tsis tas yuav kam lees txais cov tub ntxhais kawm es thiaj li thov cov nyiaj pab kev kawm tau. Hnub kawg thov cov nyiaj pab kev kawm feem ntau yog Hnub Tim 1 Lub Ob Hlis.

Cov tub ntxhais kawm ntawv uas tsis muaj ntaub ntawv los sis yog neeg txawv teb chaws uas tsis tuaj yeem xa tau cov FAFSA tab sis tej zaum yuav tsim nyog tau txais cov nyiaj pab kev kawm ntawv ib nrab. Yog xav paub cov lus nug los sis cov xov xwm ntau ntxiv, hu rau 608-262-3060 los sis emailfinaid@finaid.wisc.edu.

Yog, thiab peb los yeej yog cov ntawd. Lub Tsev Hauj Lwm Saib Xyuas Kev Pab Nyiaj Pub Dawb Rau Tub Ntxhais Kawm Ntawv yeej qhib txais tos cov lus nug txog kev pab nyiaj pub dawb, txawm tias yuav yog cov tub ntxhais kawm uas tsis tas yuav npaj mus kawm hauv UW–Madison los xij. Cov tub ntxhais kawm thiab tsev neeg tuaj yeem mus saib lawv lub vev xaib ntawmfinancialaid.wisc.edu xav kawm kom paub txog cov koom txoos thiab cov sij hawm thiab cov chaw uas muab kev saib xyuas ub no rau cov tub ntxhais kawm thiab tsev neeg uas xav tau cov ntaub ntawv ntxiv.